काठमाडौं ।काठमाडौं महानगरपालिका–५ स्थित दरबारमार्गबाट स्रोत नखुलेको ९८ लाख रुपैयाँ सहित पक्राउ परेका एकजना सुन तस्करीमा संलग्न देखिएका छन् ।
रुपन्देहीको सियारी गाउँपालिका–७ घर भएका २९ वर्षीय मिलन बिक सुन तस्करीमा फरार अभियुक्त रहेको उपत्यका अपराध अनुसन्धान कार्यालयले जनाएको छ ।
दोलखाबाट बरामद गरिएको साढे ११ किलो सुन तस्करीमा मिलनको संलग्नता देखिएको छ । अनुसन्धानबाट उनको संलग्नता खुलेपछि फरार अभियुक्त कायम गरेर अदालतमा मुद्दा पेस गरिएको उपत्यका अपराध अनुसन्धान कार्यालयका एसएसपी सानुराम भट्टराईले बताए ।
बिहीबार उनको बा.१३ च ४८५८ नम्बरको गाडीलाई पछ्याएर प्रहरीले दरबारमार्गबाट ९८ लाख नगद बरामद गरेको थियो । । मिलनसँगै गाडीमा सवार रुपन्देहीको सियारी घर भएका २८ वर्षीय समिर सुनार पनि पक्राउ परेका छन् ।
