काठमाडौं । नेपालकै समूहमा रहेको दक्षिण अफ्रिकाले आईसीसी टी–२० विश्वकप खेल्ने १५ सदस्यीय टोली घोषणा गरेको छ । युवा ब्याटर एडेन माक्ररमको कप्तानीमा दक्षिण अफ्रिकाले टोली घोषणा गरेको हो ।
सन्यासबाटफर्किने चर्चामा रहेका फाफ डु प्लेसिस भने टोलीमा पर्न परेका छैनन्। मध्यक्रमका ब्याटर रास्सी भान डर डुसेन पनि टोलीमा छैनन। तीव्र गतिका बलर नान्द्रे बर्गर बैकल्पिक खेलाडीको सूचिमा छन् ।
समूह डी मा नेपाल, दक्षिण अफ्रिका, बंगलादेश, श्रीलंका र नेदरल्यान्ड्स छन् । नेपालले १५ जुनमा दक्षिण अफ्रिकासँग खेल्नेछ ।
पहिलो पटक नेपालले दक्षिण अफ्रिकासँग खेल्नेछ । दक्षिण अफ्रिका समूह डी को सबैभन्दा मजबुत टोली हो । दक्षिण अफ्रिकालाई उपाधि दाबेदार टोलीको रुपमा समेत हेरिएको छ ।
दक्षिण अफ्रिका टोली :
एडेन माक्ररम (कप्तान), बोटनिल बार्टमान, जेराल्ड कोट्जी, क्विन्टन डि कक, ब्जोर्न फोटुइन, रिजा हेन्ड्रिक्स, मार्को यानसन, हेनरिक क्लासेन, केशव महाराज, डेविड मिलर, एनरिच नोर्किया, कागिसो रबाडा, रियान रिकेल्टन, तबरेज शाम्सी र ट्रिस्टन स्टब्स ।
ट्राभल रिजरर्भ : नान्द्रे बर्गर र लुंगी एनगिडी
