काठमाडौं । निजी क्षेत्रबाट निर्माण भएको पहिलो नेपाली चलचित्र ‘माइतीघर’ का अभिनेता सीपी लोहनीको निधन भएको छ।
८६ वर्षका लोहनीको सोमबार दिउँसो काठमाडौंको अन्नपूर्ण न्यूरो अस्पतालमा निधन भएको चलचित्र कलाकार संघका अध्यक्ष मोहन निरौलाले जानकारी दिए। लोहनीको सोमबारै पशुपति आर्यघाटमा दाह संस्कार गर्ने तयारी छ।
उनी अल्माइजरबाट पीडित थिए । लोहनी गायक समेत थिए । रेडियो नेपालमा उनले केही गीत रेकर्ड गरेका छन् । उनको पछिल्लो गीत ‘पुनरागमन’ हो। उनी नेपालीसहित हिन्दी र बंगाली फिल्मकी चर्चित अभिनेतृ माला सिन्हाका श्रीमान हुन् । उनका एक छोरी छिन् ।
