काठमाडौं । आन्दोलनका क्रममा सार्वजनिक सम्पत्तिमा क्षति भएको दाबी गर्दै काठमाडौं महानगरपालिकाले राष्ट्रिय प्रजातन्त्र पार्टी (राप्रपा) लाई जरिवाना तिर्न पत्र पठाएको छ ।
शुक्रबार राप्रपाको कार्यालय धुम्बाराहीमा महानगरले पत्र पठाएको बताइएको छ । ट्राफिक आइल्याण्डमा क्षति पुगेकाले मर्मत गर्न लाग्ने शुल्क २२२ रुपैयाँ र फोहोरमैला व्यवस्थापन ऐन, २०६८ को दफा ३९ बमोजिम ५ हजार जरिवाना तिराउने निर्णय भएको भन्दै महानगरले पत्र पठाएको छ ।
पत्रमा एनआईसी एसिया बैंकमा रहेको खातामा रकम दाखिला गर्न भनिएको छ ।
