काठमाडौं । यौन क्रियाकलाप मानव जीवनको अभिन्न अंग हो । तर यसलाई सहि ढंगले प्रयोग गर्न भने जान्नैपर्छ । यौन सम्वन्धि जानकारी नहुँदा पनि कतिपयको जीवन समस्यामा परिरहेको हुन्छ । कतिपयमा उमेर ढल्कँदै जाँदा यौन चाहना कम हुँदै गएको महसुस पनि हुन्छ । रजश्वला भएका बेला यौन सम्वन्ध राख्न हुन्छ कि हुँदैन भन्ने प्रश्न पनि कतिपयमा देखिन्छ । यौन जीवन राम्रो बनाउन यसबारे जानकारी राख्नैपर्छ ।
यौन सम्वन्धि केही जानकारी
- यौन सम्पर्क गर्न मानिस कहिले पनि बूढो हुँदैन । अर्थात यौन सम्पर्कका लागि उमेरले रोक्दैन ।
- यौन चाहना व्यक्त गर्न कहिले पनि लजाउनु हुँदैन । शरीरको रचनामा पुरुष र महिला फरक-फरक भए पनि यौन चाहना भने लगभग एकैखाले हुन्छ ।
- उमेरसँगै महिलाको यौन जन्य विशेषता फरक हुन सक्छन् । तर प्रौढ महिला पनि यौन सम्पर्कमा सक्रिय हुन सक्छन् । र पुरुष जति नै आनन्द उठाउन सक्छन् ।
- सम्भोग भनेको योनीमा गरिने यौन क्रिया मात्र हैन । आलिङ्गन, चुम्बन, सुमसुम्याउनु, हस्त मैथुनका साथै मुख मैथुन पनि यौन क्रियाकलाप हुन् ।
- हस्त मैथुनले शरिरमा हानी गर्दैन । कतिपयमा थकानको महसुस भए पनि अन्य जटिलता भने आएको पाईएको छैन ।
- जोडीको बीचमा हुने यौन क्रियाकलापमा कति पटक भन्ने सामान्य मापदण्ड छैन । दुवै जना सन्तुष्ट नभएसम्म सम्भोग गर्नुलाई नै उत्तम मानिन्छ ।
- रजश्वला भएका बेला यौन सम्पर्क राख्नु हुँदैन भन्ने गलत हो । बरु त्यो बेला गर्भवती हुने चिन्ता हुँदैन । त्यसैले रजश्वलामा सम्पर्क गरेर झन बढि आनन्द उठाउन सकिन्छ ।
- ५० वर्ष पुग्नु भन्दा पहिला रजोनिवृत्त भएका महिलाले पछिल्लो पटक महिनावारी भएको पहिलो दुई वर्षसम्म गर्भनिरोधक उपाय प्रयोग गर्नु पर्छ ।
- कण्डमको सही प्रयोगले यौन सम्पर्कबाट सर्ने सङ्क्रमण रोक्छ । साथै यसले गर्भ रहन पनि दिदैन ।
- ६५ वर्ष भन्दा कम उमेरका महिलाले पाठेघरको क्यान्सरबाट सुरक्षित रहन नियमित रूपमा पाठेघरको स्मियर जाँच गर्नुपर्छ ।
- पोर्नका कारण यौन जीवन प्रभावित हुन सक्छ । त्यसैले पोर्न हेर्ने लत छ भने त्याग्नु नै उपयुक्त हुन्छ । जोडी नै बसेर हेर्दा भने यसले हानी गर्दैन । तर पोर्नमा जस्तै सबै प्रयोग गर्न खोजेमा भने हानी हुन सक्छ ।
- लागुपदार्थको प्रयोगले स्वास्थ्यसँगै यौन जीवनमा पनि असर पर्छ । मध्यपान गर्ने मानिसमा यौन चाहना कम हुन सक्छ ।
- प्रयाप्त व्यायामले यौन चाहना बढाउनुका साथै बेडमा लामो समय रतिक्रिडा गर्न पनि मद्दत पुग्छ ।
- अनिद्रा पनि यौन जीवन विगार्ने मुख्य तत्व हो । त्यसैले दिनमा कम्तिमा ७/८ घण्टा निदाउनै पर्छ । यसले शरिरमा थकान महसुस हुँदैन र यौन चाहना बढ्छ ।
