काठमाडौं । काठमाडौंको दक्षिणकाली नगरपालिका–८ केराबारीको खोंचमा २ जनाको शव फेला परेको छ । प्रहरी विपद् व्यवस्थापन कार्यालय सामाखुसीका अनुसार महिला र पुरुषको शव फेला परेको हो ।
प्रहरीका अनुसार नजिकै बागमती प्रदेश–००२ च–०२७ च ३८१२ नम्बरको मोटरसाइकल पनि बरामद भएको छ । अप्ठ्यारो खोंच भेटिएका शव प्रहरीको टोलीले निकाल्दैछ ।
स्थानीयले शव देखेपछि प्रहरीलाई खबर गरेका थिए । दुर्घटनामा उनीहरुको मृत्यु भएको अनुमान गरिएको छ ।
उनीहरुको सनाखतको प्रयास भइरहेको छ ।