काठमाडौं । इलाम–२ मा ११ बजेदेखि मतगणना सुरु हुने भएको छ ।सर्वदलीय बैठकमा ११ बजेदेखि मतगणना गर्ने सहमति भएको हो ।
मतगणनाका क्रममा आउनसक्ने समस्या समाधानका लागि सबै दल र स्वतन्त्र उम्मेदवारबीच सहमति भएपछि मतगणना सुरु गर्ने निर्णय भएको प्रमुख जिल्ला अधिकारी इन्द्रदेव यादवले जानकारी दिए ।
उनका अनुसार निर्वाचन आचारसंहिता र मतगणनासम्बन्धी कार्यविधिमा टेकेर सहमति भएको छ । शनिबार राति २ बजेमात्रै मतपेटिका संकलन सकिएको थियो । मतगणना गौतम बुद्ध सभागृह (सिटी हल) हलमा हुनेछ ।
इलाम-२ का एक लाख १५ हजार ८८९ मतदातामध्ये ६९ हजार २८७ मतदाताले मतदान गरेका थिए । यो ६० प्रतिशत हो ।इलाम-२ मा दलका र स्वतन्त्र गरी १९ जना उम्मेदवार प्रतिस्पर्धामा छन् ।
