सोमबार, असार ११ गते २०८१
Logo
सोमबार, असार ११ गते २०८१
images

डोल्पामा डढेलो निभाउने क्रममा तीन सैनिकको मृत्यु

डोल्पामा डढेलो निभाउने क्रममा तीन सैनिकको मृत्यु

साझा पोष्ट
मंगलबार, चैत २७ २०८०
  • images
    डोल्पामा  डढेलो निभाउने क्रममा तीन सैनिकको मृत्यु
    images

    डोल्पा । डोल्पाको ठूलिभेरी नगरपालिका–४ स्थित मष्टा सामुदायिक वनमा आगो निभाउने क्रममा घाइते भएका चार सैनिकमध्ये तीन जनाको मृत्यु भएको छ ।

     मृत्यु हुनेमा जुम्लाको तातोपानी गाउँपालिका–४ घर भई देवीदत्त गण  दुनैमा कार्यरत २८ वर्षीय सैनिक जवान हेमन्त रावल, काभ्रे घर भएका ३८ वर्षीय जमदार केशवबहादुर मगर र हुम्ला घर भएका २३ वर्षीय आशिस बुढा रहेका  प्रमुख जिल्ला अधिकारी तुलसीप्रसाद दाहालले जानकारी दिए ।

    images
    images

     रावलको उपचारको क्रमबार सोमबार साँझ जिल्ला अस्पताल डोल्पामा मृत्यु भएको थियो भने जमदार मगर र बुढाको उपचारको क्रममा काठमाडौं किर्तिपुरस्थित जलन अस्पतालमा मृत्यु भएको प्रजिअ दाहालले बताए । घाइते ३० वर्षीय प्युठ विजय कोइरालाको काठमाडौँमै उपचार भइरहेको छ ।

     रावलको शव नेपाली सेनाको हेलिकप्टरमा आज जुम्ला लगिएको जिल्ला प्रहरी कार्यालय डोल्पाले जनाएको छ । उनीहरु सोमबार आगो निभाउन गएका थिए । आगो निभाउने क्रममा वरिपरिबाट हावाको बेगसँगै आगोको लप्काले उनीहरुलाई पोलेको थियो । -रासस

    प्रतिक्रिया हरु
    साताको लोकप्रीय
    थप समाचार