सोमबार, असार ११ गते २०८१
Logo
सोमबार, असार ११ गते २०८१
images

सुदूरपश्चिमकी राज्यमन्त्री इन्दिरा गिरीलाई सांसदबाट हटाउने अध्यक्ष रञ्जिताको निर्णय

सुदूरपश्चिमकी राज्यमन्त्री इन्दिरा गिरीलाई सांसदबाट हटाउने अध्यक्ष रञ्जिताको निर्णय

साझा पोष्ट
बुधबार, चैत २१ २०८०
  • images
    सुदूरपश्चिमकी राज्यमन्त्री इन्दिरा गिरीलाई सांसदबाट हटाउने अध्यक्ष रञ्जिताको निर्णय
    images

    काठमाडौं । नागरिक उन्मुक्ति पार्टी (नाउपा) की अध्यक्ष रञ्जिता श्रेष्ठले सुदूरपश्चिम प्रदेशसभा सदस्य इन्दिरा गिरीलाई कारबाही गरेकी छन् ।

    उनले समानुपातिक सांसद गिरीलाई पदमुक्त गरेको पत्र प्रदेश सभामा पठाएकी छन् । पार्टीको निर्णय विपरीत सरकारमा किन गएको भनेर स्पष्टीकरण सोध्दा पनि जवाफ नदिएकाले हटाउने निर्णय लिएको श्रेष्ठले जानकारी दिइन् ।

    images
    images

    रेशम चौधरी पक्षले मुख्यमन्त्री कमलबहादुर शाह सरकारमा मन्त्री पठाएको थियो । लगत्तै रञ्जिताले सरकारबाट तत्काल फिर्ता निर्देशन दिएकी थिइन् ।

    तर नागरिक उन्मुक्ति पार्टीका ७ मध्ये ५ सांसद प्रदेश सरकारमा छन् । गिरी कृषि राज्यमन्त्री छन् । श्रेष्ठले सरकारमा सहभागी अन्य नेतालाई भने कारबाही गरेकी छैनन् ।


    उनीहरू सबै प्रत्यक्ष निर्वाचित सांसद हुन् । नाउपाका ७ प्रदेश सांसदमध्ये गिरी र टीका थापा मात्र समानुपातिक हुन् । पार्टी भित्र विवाद बढ्दै जाँदा रञ्जिताले कारवाही शुरु गरेकी छन्। उनले बुधवार पार्टीको बागमती र गण्डकी प्रदेश अध्यक्षलाई हटाएकी थिईन् । 

    प्रतिक्रिया हरु
    साताको लोकप्रीय
    थप समाचार