बुधबार, वैशाख १२ गते २०८१
Logo
बुधबार, वैशाख १२ गते २०८१

राजीनामा नदिने कर्णालीका मुख्यमन्त्रीको अडान, बुधवार विश्वासको मत लिने

राजीनामा नदिने कर्णालीका मुख्यमन्त्रीको अडान, बुधवार विश्वासको मत लिने

साझा पोष्ट
मंगलबार, चैत २० २०८०
  • images
    राजीनामा नदिने कर्णालीका मुख्यमन्त्रीको अडान, बुधवार विश्वासको मत लिने
    images

    माओवादीको कर्णाली प्रदेश संसदीय दलले सरकारको नेतृत्व नछाड्ने निर्णय गरेको छ ।मंगलबार बसेको माओवादी प्रदेशसभा संसदीय दलको बैठकले मुख्यमन्त्री राजकुमार शर्माले बुधबार विश्वासको मत लिने निर्णय गरेको हो ।


    images
    images

    माओवादी नेता तथा कर्णाली सरकारका प्रवक्ता कृष्णबहादुर जिसीले मुख्यमन्त्रीले बुधबार विश्वासको मत लिने र त्यसपछि केन्द्रमा सत्ता गठबन्धनमा भएको सहमति अनुसार अघि बढ्न सकिने बताए । सत्ता गठबन्धनको शीर्ष नेताहरुबीच कर्णालीमा एमालेले सरकारको नेतृत्व गर्ने सहमति भएको छ ।

    तर मुख्यमन्त्री राजकुमार शर्माले मानेका छैनन ।उनले विश्वासको मत लिन मंगलबार प्रदेशसभाको बैठक बोलाइएको थियो । मंगलबार यस विषयमा एमाले र माओवादी केन्द्रका नेताहरुबीच दिनभरजसो छलफल भएको थियो । तर मुख्यमन्त्री राजकुमार शर्माले राजीनामा नदिने अडान लिएपछि छलफल विना निष्कर्ष सकिएको थियो ।

    त्यसपछि बसेको माओवादी संसदीय दलको बैठकले बुधबार विश्वासको मत लिने निर्णय गरेको हो ।प्रदेश सभाको बैठक बुधबार दिउँसो ३ बजे बस्नेछ ।

    प्रतिक्रिया हरु
    साताको लोकप्रीय
    थप समाचार