बुधबार, वैशाख १२ गते २०८१
Logo
बुधबार, वैशाख १२ गते २०८१

भारतमा नेपालको दोस्रो जित, बरोडा २७ रनले पराजित

भारतमा नेपालको दोस्रो जित, बरोडा २७ रनले पराजित

साझा पोष्ट
मंगलबार, चैत २० २०८०
  • images
    भारतमा नेपालको दोस्रो जित, बरोडा २७ रनले पराजित
    images

    काठमाडौं । नेपालले भारतमा जारी एसएमएस फ्रेन्डसिप कपमा बरोडालाई २७ रनले हराउँदै लगातार दोस्रो जित हासिल गरेको छ ।


    images
    images

    जितको लागि १५७ रनको लक्ष्य पछ्याएको बरोडाले २० ओभरमा सबै विकेट गुमाएर १२९ रन बनायो । बरोडाका भानु पानियाले २६ बलमा ३ छक्कासहित सर्वाधिक ३६ रन बनाए । कप्तान विष्णु शोलंकीले ३२ बलमा २ चौकासहित २५ रन बनाए । बाबा खानले १८ बलमा २ चौका र २ छक्कासहित २७ रन बनाए ।

    एक समय २२-५ को दयनीय अवस्थामा पुगेको बरोडालाई छैटौं विकेटका लागि भानु र विष्णुले ५३ रनको साझेदारी गरे ।नेपालका करण केसीले ४ ओभरमा २४ रन खर्चेर ३ विकेट लिए । सोमपाल कामीले ४ ओभरमा १ मेडनसहित २० रन खर्चेर २ विकेट लिए । अभिनाश बोहराले २, गुलशन झा र दीपेन्द्रसिंह ऐरी १-१ विकेट लिए ।

    त्यसअघि टस हारेर पहिला ब्याटिङको निम्तो पाएको नेपालले २० ओभरमा ६ विकेट गुमाउँदै १५६ रन बनाएको थियो । कुशल मल्लले २५ बलमा ३ चौका र २ छक्कासहित सर्वाधिक नट आउट ४० रन बनाए ।

    प्रतिक्रिया हरु
    साताको लोकप्रीय
    थप समाचार