सोमबार, असार ११ गते २०८१
Logo
सोमबार, असार ११ गते २०८१
images

अपराध पुष्टि नभई बलात्कार आरोपीको परिचय खुलाउन नपाइने आदेश माग गर्दै सर्वोच्चमा रिट

अपराध पुष्टि नभई बलात्कार आरोपीको परिचय खुलाउन नपाइने आदेश माग गर्दै सर्वोच्चमा रिट

साझा पोष्ट
मंगलबार, असोज ४ २०७९
  • images
    अपराध पुष्टि नभई बलात्कार आरोपीको परिचय खुलाउन नपाइने आदेश माग गर्दै सर्वोच्चमा रिट
    images
    काठमाडौं । बलात्कार वा यौनजन्य कसूरको आरोपी व्यक्तिको बारेमा अदालतबाट फैसला हुनुअघि नै अभियुक्तको पहिचान खुलाउने तथा मिडिया ट्रायल गर्ने कार्य रोक्न माग गर्दै सर्वोच्च अदालतमा रिट परेको छ । अधिवक्ता किशोर पौडेल, अनुपम भट्टराई, ईश्वर देवकोटा र जगन्नाथ दुलालले दायर रिट दायर गरेका हुन । रिटमाथि संवैधानिक इजसलामा सुनुवाई हुने भएको छ । रिट निवेदकले बलात्कार तथा यौनजन्य आरोपमा पक्राउ परेका व्यक्तिको पहिचान खुलाउने कार्यलाई कडाइका साथ रोक्नका लागि सरकारी निकाय तथा मिडिया समेत लागू हुने गरी आदेशको माग गरेका छन । कुनै व्यक्ति आरोप लाग्दैमा दोषी नहुने भन्दै रिटमा अभियुक्तको परिचय खुलाउने,तस्विर सार्वजनिक गर्ने तथा मिडिया र सोसल मिडियाबाट हुने बदनामीको क्षतिपूर्ति नहुने भएकाले मुद्दा किनारा नलागेसम्म परिचय खोल्न नपाइनेगरी अन्तरिम आदेश माग गरिएको छ । रिटमा यौनजन्य अपराध तथा बन्द इजलासमा सुनुवाइ हुने प्रकृतिका फौजदारी अभियोग लागेका अभियुक्तलाई सञ्चारमाध्यम तथा सामाजिक संजालमा हुने मिडिया ट्रायल तथा राज्यका अपराध अनुसन्धान गर्ने निकायहरुको लापरवाहीले कुनै अभियु्क्तले अदालतबाट सफाइ पाउँदा उसलाई समाजमा पुनःस्थापना हुन गाह्रो हुने भन्दै क्षतिपूर्तिको व्यवस्था मिलाउन पनि माग गरिएको छ ।

    प्रतिक्रिया हरु
    साताको लोकप्रीय
    थप समाचार