बुधबार, असार १३ गते २०८१
Logo
बुधबार, असार १३ गते २०८१
images

नेपालबाट 'ऐना झ्यालको पुतली’ ओस्कार अवार्डका लागि सिफारिस

नेपालबाट 'ऐना झ्यालको पुतली’ ओस्कार अवार्डका लागि सिफारिस

साझा पोष्ट
सोमबार, असोज ३ २०७९
  • images
    नेपालबाट 'ऐना झ्यालको पुतली’ ओस्कार अवार्डका लागि सिफारिस
    images
    काठमाडौं । अमेरिकामा अर्को वर्ष हुने ओस्कार अवार्डका लागि नेपालको अन्तर्राष्ट्रिय फिचर फिल्म छनोट समितिले ‘ऐना झ्यालको पुतली’ सिफारिस गर्ने निर्णय गरेको छ । समितिले ९५औं संस्करणको ओस्कारका लागि सुजित बिडारी निर्देशित फिल्म ‘ऐना झ्यालको पुतली’ सिफारिस गर्ने निर्णय गरेको हो । समितिको सोमबार बसेको बैठकले समितिलाई प्राप्त फिल्ममध्येबाट ‘ऐना झ्यालको पुतली’लाई सिफारिस गर्ने निर्णय गरेको हो । छनोट समितिले ओस्कारको प्रतिस्पर्धामा सामेल हुन इच्छुक फिल्मकर्मीलाई २०७९ भदौ ३० गतेभित्र फिल्म बुझाउन भनेको थियो । सोही सूचना अनुसार नेपालबाट दिनेश राउत निर्देशित प्रकाश, सुवर्ण थापा निर्देशित राधा र सुजित बिडारी निर्देशित ‘ऐना झ्यालको पुतली’ले सहभागिताका लागि आवेदन दिएका थिए । समितिले प्राप्त तीन फिल्ममध्ये सिनेमाको प्राविधिक पक्ष, कथ्यको प्रस्तुति, चरित्रहरुको भावनात्मक विश्लेषण तथा प्रस्तुतिको कलात्मकता लगायत पक्षलाई ख्याल गरी ‘ऐना झ्यालको पुतली’लाई सिफारिस गर्ने निर्णय गरेको विज्ञप्तिमा जनाइएको छ । यो सालको ओस्कार अवार्ड मार्च १२ मा लस एन्जलसको डल्बी थिएटरमा हुनेछ ।

    प्रतिक्रिया हरु
    थप समाचार